Byenvini fanmiy GTH ! Jodia se jou 7 pou seri devosyon nan Sòm 106 ke profèt Shyju Matthew te fè pandan etid biblik nan legliz Emmanuel nan Montreal. Yè, nou te aprann kòman nou dwe onore epi resevwa nan men moun Bondye voye Kòm yon Moiz nan lavi nou. Jodia profèt Shyju egzòte nou pou nou mete konfians nou nan Bondye nan tout sitiasyon ke nap viv. Pa blye pataje-l avèk yon vwazen. Si se premye fwa ou we seri devosyon sa-a, inskri nan blog sa-a

Profite joune ou! Epi na voye 5 lòt devosyon yo nan bwat ou dirèkteman. Pase yon jounen ranpli avèk lapè.

Jou 7 : PIGA OU JWE AVÈK MOVE PANSE KONT BONDYE.

Sòm 106. 24-25 Yo pa t’ vle tande pale sou peyi kote pou yo jwenn tout bon bagay la paske yo pa t’ kwè pawòl Bondye. Yo rete anba tant yo, y’ap bougonnen. Yo pa t’ vle koute Seyè a.

Ebre yo te kòmanse di move bagay sou Tè promiz lan paske yo pat jwenn sa yo te vle a. Si yon moun ak goumen pou yon plas, epi yo refize, toudenkou yo pral meprize sa yo te bezwen an.

Men si ènmi an pa ka pran benediksyon ou, li ka fè ou plenyen pou li ka retade li. Si ou plenyen kont benediksyon ou, peche ap rantre kounie a et jijman ap vini.

Lè ou gen matirite, ou aprann fèmen bouch, e menm panse ou yo ou lè ou pa jwenn sa ou vle-a.

Matirite se bon jan. Menm si diplomasi ka chwazi pou panse, men pa pataje li, matirite aprann kontwole panse ou nèt. Nou sèvi yon Bondye ki rekonpanse panse nou.

Resansman 11.1, Bib la di nou : Pèp la te konmanse ap plenyen nan zòrèy Seyè a jan zafè yo pa t’ bon. Lè Seyè a tande sa, li fè yon sèl kòlè, li voye dife sou pèp la. Dife a pran nan mitan yo, li boule yon bò nan kan an nèt.

Bondye te refize pèp li a antre nan pwomès peyi a paske li te tande yo tap bougonnen nan tant yo.

Fason pou fè Bondye plezi se ak lafwa (Ebre 11: 6). Lè nou gen lafwa, nou refize kite lide nou mennen nou. Refize kite dout, rebelyon oswa dezòd nan tèt ou, paske ou ap sèvi yon Bondye ki wè sa ki nan tèt ou. Se sa ou fè lendi jiska samdi nan tant ou a, lè pèsonn pa ap gade ou, se sa ki fè ou gen rekonpans lan vini.

Bondye te wè Abraam nan tant li a e li te vizite li.
Ki atmosfè ki genyen lakay ou. Èske ou ka kenbe konfyans ou menm lè dezi ou yo pa satisfè?

Lapriyè: Seyè, gen pitye pou mwen, padonnen m ‘pou peche m’ yo. Sentespri , anseye m poum ka ‘reflechi sou sa mwen ap panse, pou tout panse m’ yo ka reflete konfyans nan Bondye ki renmen m ‘lan.

Demen, nou pral fixe nou sou zèl nan Segnè a. Se pou nou beni!